-7.9 C
Бишкек
Пятница, 28 января, 2022

Пхеньян Сеул менен байланыш каналын ачууга даяр экенин билдирди

- Advertisement -spot_imgspot_img
- Advertisement -spot_imgspot_img

Түндүк Кореянын лидери Ким Чен Ын октябрь айынан тарта Түштүк Корея менен коммуникация каналын калыбына келтирүүгө даяр экенин билдирди.

Ал бул тууралуу парламентке кайрылуусунда айтканын Түндүк Кореянын борбордук жаңылыктар агенттиги 30-сентябрда билдирди.

Дүйнөдөгү эң жабык өлкөлөрдүн бирин башкарган Ким Чен Ын АКШнын диалог тууралуу сунушун четке каккан.

Ал Түштүк Кореяны курал-жарактарын көбөйтүп, аскердик машыгууларды өткөрүү менен «чөлкөмдөгү кырдаалды чыңалтып жатат» деп айыптап, Вашингтон «кастык маанайдагы саясатын» өзгөртпөй туруп эле сүйлөшүүнү сунуш кылып жатканын айтты.

Кошмо Штаттардын Мамлекеттик департаментинин басма сөз кызматы буга жооп берип, Вашингтондун Түндүк Кореяга карата «эч кандай жаман ниети» жоктугун айтты жана АКШ сүйлөшүүлөргө ачык экенин белгиледи.

Пхеньян быйыл август айында Түштүк Корея менен АКШнын аскердик машыгууларына каршылык иретинде Сеул менен түз коммуникация каналын жаап койгон. Ал кезде бул канал бир жылдай жабык туруп, кайра иштей баштаганына бир нече күн гана болгон.

Соңку апталарда Пхеньян аскердик сыноолорун көбөйттү. 28-сентябрда Түндүк Корея тез учуучу жаңы ракетасын сынаганын жарыялаган. Мындай сыноолордон улам Бириккен Улуттар Уюмунун Коопсуздук кеңеши АКШ, Британия жана Франциянын өтүнүчү менен 30-сентябрда жыйынга чогулганы жатат.

- Advertisement -spot_imgspot_img
Latest news
- Advertisement -spot_img
Related news
- Advertisement -spot_img

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь