0.1 C
Бишкек
Среда, 19 января, 2022

Кыргызстанда 273 автомектеп бар, алардын 16сына эскертүү берилди

- Advertisement -spot_imgspot_img
- Advertisement -spot_imgspot_img

Кыргызстанда баш-аягы 273 автомектеп бар. Бул тууралуу билим берүү жана илим министринин орун басары Нурлан Өмүров 2-сентябрда Бишкекте жол коопсуздугуна байланыштуу өтүп жаткан жыйында айтты. Алардын ичинен 65и мамлекеттик, калган 208и жеке менчик.

Автомектептерге лицензияны Ички иштер министрлигинин (ИИМ) корутундусу менен Билим берүү жана илим министрлиги берет жана алардын талапка ылайык иш алып барып жатканын текшерет.

«2021-жылы 40 автомектепти текшерүү планга кирген. Азыркы тапта 25и текшерилип бүттү. Анын ичинен 16сына эскертүү берилди. Эскертүү берилгенден кийин кемчиликтерди жоюуга үч ай убакыт берилет. Бул убакытта да кемчиликтер жоюлбаса дагы бир жолу эскертүү берилет. Анда да талаптарга жооп бербесе мыйзам боюнча автомектептин лицензиясын кайтарып алууга жол ачылат», — деди Нурлан Өмүров.

Кыргызстанда быйыл жети айда 3982 жол кырсыгы катталып, 394 адам каза болгонун, дээрлик 85% айдоочунун күнөөсү экенин “Азаттык” радиосуна ИИМдин Жол коопсуздугун камсыздоо башкы башкармалыгы билдирген.

2020-жылы Кыргызстанда 6126 жол кырсыгы, анын 2925и жети айда катталган. 754 адам каза болгон (анын 93ү бала), алардын 324ү (анын 34ү балдар) жети айда катталган.

2019-жылы 6663 жол кырсыгы катталып, 760 адам (91и бала) көз жумган. (BTo)

- Advertisement -spot_imgspot_img
Latest news
- Advertisement -spot_img
Related news
- Advertisement -spot_img

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь