0.1 C
Бишкек
Среда, 19 января, 2022

Өзбекстандын муфтийи Усманхан Алимов кайтыш болду

- Advertisement -spot_imgspot_img
- Advertisement -spot_imgspot_img

Өзбекстандын Дин иштери башкармалыгынын башчысы, муфтий Усманхан Алимов 71 жашында узакка созулган оорудан улам дүйнөдөн өттү.

Башкармалыктын басма сөз кызматынын маалымдашынча, Алимов өпкө оорудан улам Москвадагы клиникалардын биринде дарыланып жаткан. Дарылануу учурунда анын өпкөсү кагынып, оорусу күчөп кеткен, анын кесепетинен көз жумганы кабарланды.

Усманхан Алимов 1950-жылы Самарканд облусунда туулган. Ал Бухарадагы медресени аяктап, андан соң Имам аль-Бухари атындагы Ташкенттеги Ислам институтун артыкчылык менен бүтүргөн. 1990-жылы Мароккодогу Каравийин жогорку диний окуу жайында билимин уланткан.

Андан кийин Самарканддагы Имам аль-Бухари мечитинин имамы, облустун казысы кызматын аркалап жүрүп, 2006-жылы Өзбекстандын Дин иштери башкармалыгынын башчысы болуп дайындалган.

2018-жылы Алимов дүйнөдөгү эң таасирдүү 500 мусулмандын тизмесине киргизилген.

- Advertisement -spot_imgspot_img
Latest news
- Advertisement -spot_img
Related news
- Advertisement -spot_img

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь