-5.9 C
Бишкек
Суббота, 22 января, 2022

Талибан Кандагар шаарын алганын билдирди

- Advertisement -spot_imgspot_img
- Advertisement -spot_imgspot_img

Талибан кыймылы эки күндөн берки өкмөттүн аскерлер менен айыгышкан салгылаштын жыйынтыгында 12-августта кечке жуук Ооганстандагы экинчи эң чоң шаар Кандагар толугу менен алынып, өз көзөмөлүнө өткөнүн жарыялады.

Бирок бул маалыматты расмий Кабул азырынча ырастай элек.

Өлкөнүн түштүгүндөгү эң чоң шаар Кандагарды басып алуу Талибан үчүн стратегиялык жеңиш катары каралып жаткан.

Талибан кыймылынын өкүлү Забиулла Мужахид «Твиттерге» Кандагарды талибдердин жоочулары ээлегенин билдирип, видео жарыялады.

Буга чейин Кабулга жакын Газни шаары Талибан жоочуларынын көзөмөлүнө өткөнү кабарланган. Муну менен соңку бир апта ичинде талибдер онунчу провинциянын борборун ээлегени айтылган, эгерде Кандагар алынганы ырасталса, анда бир жуманын ичинде Талибан Ооганстандын провинция борборлору болгон 34 эң ири шаардын он бирин багынткан болот.

Айыгышкан салгылаштар Кандагарда дагы уланып, шаардын аба майданы аба каттамдарын кабыл албай, кыймыл токтотулганы жарыяланган болчу. Бирок 12-августта түшкө чейин Кандагарда салгылаш уланып, шаар өкмөттүк күтөрдүн карамагында болчу.

Азыркы мезгилде Герат шаарын көздөй чабуулдар күчөгөнү кабарланууда.

Американын чалгын кызматынын атын атабаган өкүлү «Рейтер» агенттигине билдиргендей, талибдер ооган баш калаасын жакынкы 30 күндүн ичинде курчоого алып, үч айдын ичинде өз карамагына алышы мүмкүн. Ошону менен катар аткаминер ооган өкмөттүк күчтөрү жетиштүү каршылык көрсөтө алса, кырдаал башка нукта өзгөрүшү ыктымал экенин да четке каккан эмес.

Талибдердин тездик менен кол салуусу расмий Кабулду жана анын өнөктөштөрүн айран таң калтырууда.

1996-2001-жылдары Ооганстандын көп бөлүгүн көзөмөлдөп турган топ «Аль-Каида» террордук тобунун башчысы Усама бен Ладенди жашырганы үчүн кулатылган. Эми бул кыймыл кайра бийликти өз колуна алууну көздөп жатат.

Бириккен Улуттар Уюму соңку бир айда гана жоочулар менен өкмөттүк күчтөрдүн кагылышуусунан бери дегенде миңдей жайкын тургун мерт кеткенин билдирди. АКШнын президенти Жо Байден Ооганстандан аскерлерин чыгарып кетүү боюнча чечимине өкүнбөй турганын билдирип, расмий Кабулду өз өлкөсү үчүн күрөшүүгө чакырды.

- Advertisement -spot_imgspot_img
Latest news
- Advertisement -spot_img
Related news
- Advertisement -spot_img

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь